गितेवाडी शाळेत विद्यार्थ्यांना फराळ वाटप

अहमदनगर-पाथर्डी तालुक्यातील गितेवाडी येथील जिल्हा परिषदेच्या प्राथमिक शाळेमध्ये विद्यार्थ्यांना शाळेतील उपक्रमशील शिक्षक तुकाराम अडसूळ ,नवनाथ आंधळे यांनी दिवाळीनिमित्त फराळ वाटप केला.हा उपक्रम शाळेत दरवर्षी राबविला जातो.दिवाळी सण हा खूप मोठा सण आहे.यानिमित्त अनेक घरांमध्ये गोड गोड पदार्थ बनवून त्यांचा. आस्वाद घेतला जातो.सर्वांनी एकत्र येऊन हा सण साजरा केल्यास या सणाचा आनंद  वाढतो .सर्वजण एकत्र आल्यास विचारांची देवाण घेवाण होऊन आत्मीयता ,आपुलकी ,सर्वधर्मसमभाव ,समानता ,बंधुता ,राष्ट्रीय एकात्मता  अशी अनेक राष्ट्रहिताची मूल्य विद्यार्थ्यांमध्ये रुजतात म्हणून शाळेत दरवर्षी दिवाळीनिमित्त फराळ वाटप उपक्रम राबविला जातो.यावेळी दिवाळी सणाविषयी विद्यार्थ्यांना सविस्तर माहिती दिली जाते.विद्यार्थ्यांना विविध प्रकारचे गोड  ,स्वादिष्ट पदार्थ फराळ म्हणून वाटप केले जातात.शाळेत सर्व विद्यार्थी आनंदाने हा फराळाचा आस्वाद घेतात.लोकसहभागातून म्हणजे मिशन आपुलकीतून हा फराळ वाटप उपक्रम दरवर्षी राबविण्यात येतो तसेच शाळेत वर्षभर विविध सण समारंभ आनंदाने साजरे केले जातात असे या शाळेतील उपक्रमशील शिक्षक तुकाराम अडसूळ व नवनाथ आंधळे यांनी सांगीतले आहे.या उपक्रमाचे गावातील पालक ,ग्रामस्थ ,अधिकारी यांनी अभिनंदन केले आहे.