🙏शाळेच्या ग्रंथालयास अमेरिकेतून मदत 🙏

आमच्या जिल्हा परिषद प्राथमिक शाळा गितेवाडी ता.पाथर्डी जिल्हा अहमदनगर येथे ग्रंथालय विद्यार्थ्यांच्या दारी हा उपक्रम राबवून विद्यार्थ्याना वाचनासाठी त्यांच्या आवडीची पुस्तके उपलब्ध करून दिली.यामध्ये किशोर मासिक ,विविध बोधपर गोष्टी ,विविध माहिती ,विज्ञान विषयक माहिती ,विविध राष्ट्रीय नेते,,,,,,अशी अनेक पुस्तके विद्यार्थ्यांनी आवडीने वाचली.विद्यार्थ्यांबरोबर त्यांच्या घरातील इतरांनीही ही पुस्तके वाचली.त्यामुळे विद्यार्थ्याना वाचनाची आवड निर्माण होवून घराघरात वाचन संस्कृती रुजली.या उपक्रमात गावालाही सहभागी करून घेतले.त्यामुळे शाळेच्या ग्रंथालयास ग्रामस्थांनी विविध कार्यक्रमात लोकसहभागातून विविध पुस्तके दिली. याबाबतीत सोशल मीडियावर प्रसिद्धी दिल्यामुळे अमेरिकेतील अहमदनगर जिल्ह्याचे भूमिपुत्र ,,,,,,यांना हा उपक्रम अतिशय आवडला.त्यांनी दोन दिवसापूर्वी फोन करून या उपक्रमाचे अभिनंदन करून तुमच्या शाळेला विद्यार्थ्यांच्या आवडीची पुस्तके लोकसहभाग म्हणून मदत करतो.अमेरिकेतून त्यांनी अनेकवेळा फोन करून पुस्तकांची यादी करून त्याप्रमाणे अहमदनगर मधील एका नामांकित पुस्तकाच्या दुकादारास संपर्क करून आमच्या शाळेला त्यांनी पुस्तके देण्याची व्यवस्था केली.आपल्यामागे आपल्या भावी पिढीस आपण मदत केली पाहिजे या सामाजिक भावनेतून त्यांनी लोकसहभागातून आमच्या शाळेला अनेक पुस्तके दिली.त्याबद्दल अहमदनगरचे भूमिपुत्र व अमेरिकेत स्थायिक झालेले......यांना खूप खूप धन्यवाद ,शाळा सुरू झाल्यावर शाळेला जून महिन्यात ते भेट देणार आहेत.