विद्यार्थ्यांच्या अभ्यासात सातत्य राहण्यासाठी लर्निंग ,वर्क फ्रॉम होम उपक्रम उपयुक्त
अहमदनगर -- कोरोना विषाणूचा प्रादुर्भाव रोखण्यासाठी शासनाने शाळांना सुट्ट्या दिल्या .नंतर शासनाने लॉकडावून केले .या लॉकडाऊनच्या काळात विद्यार्थ्यांचे शैक्षणिक नुकसान होऊ नये तसेच विद्यार्थ्यांच्या अभ्यासात सातत्य राहण्यासाठी व शिक्षकांना विद्यार्थ्यांच्या संपर्कात राहण्यासाठी जिल्ह्याचे उपक्रमशील शिक्षणाधिकारी रमाकांत काठमोरे यांच्या मार्गदर्शनाखाली लर्निंग ,वर्क फ्रॉम होम हा विद्यार्थ्यांच्या शैक्षणिक हितासाठी नावीन्यपूर्ण उपक्रम जिल्ह्यात सुरू करण्यात आला .सोशल मिडीयाचा यशस्वीपणे वापर करून हा उपक्रम जिल्ह्यात सर्व विद्यार्थ्यांसाठी राबविला जातो .हा उपक्रम राबविण्यासाठी जिल्ह्यात शिक्षक पालकांचे वर्गनिहाय व्हाट्सअप ग्रुप तयार करण्यात आले आहेत . अधिकारी शिक्षकांना सोशल मिडीयाद्वारे , व्हाट्सअप्पच्या माध्यमातून नियमितपणे विद्यार्थ्यांसाठी नमुनादाखल लर्निंग ,वर्क फ्रॉम होम अभ्यास ,स्वाध्याय पाठवितात . शिक्षक पालकांच्या व्हाट्सअप ग्रुपवर दैनंदिन अभ्यास ,स्वाध्याय लर्निंग ,वर्क फ्रॉम देतात .तसेच यासाठी विविध अँपचाही वापर केला जातो . जिल्ह्यात लर्निंग ,वर्क फ्रॉम होम हा उपक्रम कशा प्रकारे चालू आहे ,यामध्ये कोणत्या अडचणी आहेत ,यामध्ये आणखी कोणकोणते विषय , घटक घेता येईल ,यामध्ये आणखी काय बदल करता येईल म्हणून शिक्षणाधिकारी रमाकांत काठमोरे यांनी जिल्ह्यातील अनेक उपक्रमशील शिक्षक व अधिकारी यांच्याबरोबर व्हिडीओ कॉन्फरन्सद्वारे चर्चा करून या उपक्रमाचा संपूर्ण जिल्ह्याचा आढावा घेतला व वेळोवेळी त्याबाबत माहिती घेतात . आमच्या पाथर्डी तालुक्यात उपक्रमशील गटशिक्षणाधिकारी शिवाजी कराड यांनी विद्यार्थ्यांच्या शैक्षणिक प्रगतीसाठी या उपक्रमाचे महत्व शिक्षकांना सोशल मिडियांद्वारे सांगितले . सर्व शिक्षकांच्या सहकार्याने हा उपक्रम यशस्वीपणे राबविण्यासाठी शिक्षक पालक यांचे व्हाट्सअप ग्रुप तयार करण्याचे आवाहन त्यांनी केले .त्यानुसार तालुक्यात प्रचंड प्रमाणात शिक्षक पालकांचे व्हाट्सअप ग्रुप तयार होऊन गटशिक्षणाधिकारी यांचे मार्गदर्शनाखाली विविध विषयांचा विविध प्रकारचा वर्क फ्रॉम होम नियमित पणे या व्हाट्सअप ग्रुपवर दिला जात आहे . त्यानुसार अनेक शिक्षक विद्यार्थ्यांना लर्निंग ,वर्क फ्रॉम साठी विविध प्रकारचा अभ्यास ,स्वाध्याय , लिंकवर स्वाध्याय , ऑनलाइन चाचणी तयार करतात . तो अभ्यासही इतर शिक्षकांना सोशल मिडिद्वारे उपलब्ध करून दिला जातो .अशा अनेक प्रकारचा लर्निंग ,वर्क फ्रॉम होम अभ्यास सोशल मीडियाद्वारे शिक्षक विद्यार्थ्यांना देतात .तसेच महाराष्ट्र राज्य शैक्षणिक संशोधन व प्रशिक्षण परिषद पुणे यांच्याकडूनही संपूर्ण राज्यातील विद्यार्थ्यांना लर्निंग ,वर्क फ्रॉम होमसाठी नियमितपणे अभ्यासमाला पाठवली जाते .ही अभ्यासमालाही अधिकारी सर्व शिक्षकांना लर्निंग ,वर्क फ्रॉम होम साठी पाठवतात . आमच्या पाथर्डी तालुक्यात लर्निंग ,वर्क फ्रॉम होम हा उपक्रम गटशिक्षणाधिकारी शिवाजी कराड यांच्या मार्गदर्शनाखाली सोशल मिडियाद्वारे उत्कृष्टपणे राबविला जात आहे. यासाठी आम्हाला गटशिक्षणाधिकारी शिवाजी कराड ,विस्तार अधिकारी अभयकुमार वाव्हळ ,विस्तार अधिकारी अनिल भवार , केंद्रप्रमुख बाळासाहेब दळवी ,मा.केंद्रप्रमुख संतोष नरवडे यांचे विशेष मार्गदर्शन मिळत आहे . पाथर्डी तालुक्यात डोंगराळ भागात आमची द्विशिक्षकी गितेवाडी शाळा आहे .मी तुकाराम अडसूळ आणि माझे सहकारी शिक्षक नवनाथ आंधळे आम्ही विद्यार्थ्यांच्या सर्वांगीण विकासासाठी पालकांच्या ,ग्रामस्थांच्या सहकार्याने नेहमी विविध उपक्रम आमच्या गीतेवाडी शाळेत यशस्वीपणे राबवित आहे . शासनाने शाळेला सुट्ट्या दिल्यापासून आम्ही लर्निंग ,वर्क फ्रॉम होम हा उपक्रम यशस्वीपणे राबविण्यासाठी आमचे शिक्षक पालकांचे वर्गनिहाय व्हाट्सअप ग्रुप करून त्यावर दररोज विविध विषयांमधील विविध घटकांचा उपघटकांचा विद्यार्थ्यांना लर्निंग ,वर्क फ्रॉम साठी अभ्यास ,स्वाध्याय देतो . पालकांच्या व्हाट्सअप ग्रुपवर दिलेला अभ्यास , स्वाध्याय पालक विद्यार्थ्यांना दाखवतात .या उपक्रमात आम्हाला पालक व विद्यार्थी यांचा उत्कृष्ट प्रतिसाद मिळत असून विद्यार्थी दिलेला लर्निंग ,वर्क फ्रॉम होम नियमितपणे पूर्ण करून आम्हाला तालासणीसाठी व्हाट्सअप ग्रुपवर पाठवतात .विद्यार्थी या लॉकडाऊन सुट्टीच्या काळात हा लर्निंग ,वर्क फार्म होम अभ्यास नियमितपणे करत आहे असे आम्हाला दिसून आले आहे .तसेच कोरोना विषाणूबाबत कोणती दक्षता घेतली पाहिजे याबाबत पालक शिक्षक व्हाट्सअप ग्रुपमधून वेळोवेळी विद्यार्थ्यांमध्ये ,पालकांमध्ये जनजागृती करत आहे .सोशल मिडीयाचा सदुपयोग कसा करावा हे विद्यार्थ्यांना या लर्निंग,वर्क फ्रॉम होम उपक्रमातून समजले आहे .पालकही विद्यार्थ्यांच्या वर्क फ्रॉम होम अभ्यासामध्ये उत्साहाने सहभागी होत आहेत .पालकांनी वर्क फ्रॉम होम या उपक्रमाबद्दल समाधान व्यक्त केले आहे .आज अशा लॉक डाऊनच्या परिस्थितीत लर्निंग, वर्क फ्रॉम होम हा उपक्रम विद्यार्थ्यांसाठी अभ्यासातील सातत्य राहण्यासाठी अत्यंत मार्गदर्शक व उपयुक्त आहे हे या उपक्रमातून आम्हाला समजले आहे .एकंदरीत लर्निंग ,वर्क फ्रॉम होम हा उपक्रम विद्यार्थ्यांच्या शैक्षणिक प्रगतीसाठी अत्यंत पूरक आहे .कारण शाळा बंद असल्या तरी या उपक्रमामुळे शिक्षण चालू असते .
शब्दांकन
तुकाराम अडसूळ
जिल्हा परिषद प्राथमिक शाळा गितेवाडी ता.पाथर्डी जि.अहमदनगर
टिप्पण्या
टिप्पणी पोस्ट करा