लर्निंग, वर्क फ्रॉम होम उपक्रम यशस्वीपणे राबविणारी गितेवाडी शाळा
कोरोना विषाणूचा प्रादुर्भाव रोखण्यासाठी शासनाने शाळांना सतरा मार्चपासून सुट्ट्या दिल्या नंतर लॉक डाऊन केले .विद्यार्थ्यांचे शैक्षणिक नुकसान होऊ नये ,विद्यार्थ्यांच्या अभ्यासात सातत्य राहण्यासाठी व त्यांच्या संपर्कात राहण्यासाठी अहमदनगर जिल्ह्याचे उपक्रमशील शिक्षणाधिकारी रमाकांत काठमोरे यांच्या मार्गदर्शनाखाली लर्निंग, वर्क फ्रॉम होम हा विद्यार्थ्यांच्या शैक्षणिक हितासाठी नावीन्यपूर्ण उपक्रम अहमदनगर जिल्ह्यात सुरू करण्यात आला .या उपक्रमाबाबत शिक्षणाधिकारी रमाकांत काठमोरे यांनी व्हिडीओ कॉन्फरन्स द्वारे विविध उपक्रमशील शिक्षक व अधिकारी यांचेशी सविस्तर संवाद साधला .यामध्ये त्यांनी या उपक्रमात आणखी कोणकोणत्या बाबींचा समावेश करता येईल यावर चर्चा करून संपूर्ण अहमदनगर जिल्ह्याचा आढावा घेतला .या कॉन्फरन्स मध्ये राज्याचे शिक्षण सहसंचालक दिनकर टेमकर यांनीही उत्कृष्टपणे मार्गदर्शन केले .
आमच्या पाथर्डी तालुक्यात हा उपक्रम गटशिक्षणाधिकारी शिवाजी कराड यांनी उत्कृष्टपणे नियोजन करून सोशल मिडियाद्वारे सर्वांना लर्निंग,वर्क फ्रॉम होम या उपक्रमाचे महत्व पटवून देऊन हा उपक्रम पाथर्डी तालुक्यात यशस्वीपणे सर्वांच्या सहकार्याने सुरू केला .लर्निंग ,वर्क फ्रॉम होम उपक्रम राबविण्यासाठी पाथर्डी तालुक्यात गटशिक्षणाधिकारी शिवाजी कराड यांनी केलेल्या आवाहनानुसार सर्व मुख्याध्यापक व शिक्षकांनी पालकांचे व्हाट्सअप ग्रुप तयार केले . गटशिक्षणाधिकारी शिवाजी कराड ,विस्तार अधिकारी अभयकुमार वाव्हळ ,विस्तार अधिकारी अनिल भवार ,आमच्या केंद्राचे केंद्रप्रमुख बाळासाहेब दळवी ,संतोष नरवडे यांनी विद्यार्थ्यांसाठी नमुनादाखल नाविन्यपूर्ण लर्निंग ,वर्क फ्रॉम होम तालुक्यातील केंद्रप्रमुख ग्रुप , मुख्याध्यापक ग्रुप ,बिट ग्रुप ,केंद्र ग्रुप अशा विविध ग्रुपवर नियमितपणे पोस्ट करत आहेत . त्यांनी पोस्ट केलेला लर्निंग ,वर्क फ्रॉम होम आम्ही शिक्षक पालकांच्या व्हाट्सअप ग्रुपवर नियमित पोस्ट करत आहोत . तसेच इतर अनेक प्रकारचा लर्निंग ,वर्क फ्रॉम होम अनेक शिक्षक स्वतः तयार करतात व पालकांच्या व्हाट्सअप ग्रुपवर पोस्ट करतात . हा अभ्यास तालुक्यातील इतर सर्व शिक्षकांपर्यंत पाठवला जातो . पाथर्डी तालुक्यात डोंगराळ भागातील ही आमची जिल्हा परिषदेची गितेवाडी शाळा आहे .आम्ही दोन शिक्षक मी तुकाराम अडसूळ व माझे सहकारी नवनाथ आंधळे आहेत. आमच्या शाळेत इयत्ता पहिलीपासून चौथी पर्यंत वर्ग असून विद्यार्थी पट संख्या चाळीस आहे .आम्ही दोन वर्षापूर्वी या शाळेत बदलीने हजर झालो तेव्हा विद्यार्थी पटसंख्या फक्त तीस होती .विद्यार्थ्यांच्या सर्वांगीण विकासासाठी आम्ही शाळेत विविध उपक्रम राबविले त्यामुळे विद्यार्थी संख्या वाढली .विद्यार्थ्यांच्या शिक्षणात खंड पडू नये म्हणून हा लर्निंग ,वर्क फ्रॉम होम हा उपक्रम आम्ही यशस्वीपणे राबवित आहोत .एकही मुलगा या अभ्यासपासून वंचित राहणार नाही असे नियोजन करून आम्ही हा उपक्रम यशस्वीपणे राबवित आहोत .
ज्या पालकांना व्हाट्सअप आहे त्यांना व्हाट्सअपवर अभ्यास पाठवतो .ज्या पालकांना व्हाट्सअप नाही त्यांना आम्ही मोबाईल वर लर्निंग ,वर्क फ्रॉम होम बाबत अभ्यासाचा संदेश पाठवतो .हा संदेश ते नियमितपणे पाहून कार्यवाही करतात . तसेच आम्ही सर्व पालकांना फोन करून अभ्यासाचा आढावा घेतो .शाळेला शासनाने सुट्ट्या दिल्यापासून हा उपक्रम आम्ही अखंडपणे राबवित आहोत .तसेच महाराष्ट्र राज्य शैक्षणिक संशोधन व प्रशिक्षण परिषद पुणे यांच्याकडूनही दररोज शाळा बंद परंतु शिक्षण सुरू या उपक्रमात दररोज वेगवेगळ्या प्रकारची अभ्यासमाला सोशल मिडियाद्वारे पाठवली जाते त्याचाही उपयोग आम्ही विद्यार्थ्यांना लर्निंग ,वर्क फ्रॉम होम साठी करतो . अनेक उपक्रमशील शिक्षक विद्यार्थ्यांना लर्निंग, वर्क फ्रॉम होम साठी स्वतः अभ्यास ,स्वाध्याय तयार करून पालकांना व्हाट्सअप ग्रुपवर पाठवतात . या अभ्यासाचा उपयोग गटशिक्षणाधिकारी शिवाजी कराड ,विस्तार अधिकारी अभयकुमार वाव्हळ हे इतर शिक्षकांना मिळवून देत आहेत . विविध विषयांचा विविध प्रकारचा लर्निंग ,वर्क फ्रॉम होम आम्ही नियमितपणे शिक्षक पालकांच्या व्हाट्सअप ग्रुपवर पोस्ट करून त्याबाबत नियमित आढावा घेऊन त्याची तपासणी करतो .दररोज आम्ही विविध विषयांचा वेगवेगळ्या प्रकारचा अभ्यास ,स्वाध्याय पालकांच्या व्हाट्सअप ग्रुपवर पाठवतो .त्यामध्ये समानार्थी शब्द ,विरुद्धार्थी शब्द ,वाचन बदलने ,शब्दांवरून गोष्ट लेखन ,निबंध लेखन ,शुद्धलेखन ,पाढे पाठांतर ,कविता लेखन ,कविता पाठांतर ,जोडाक्षरे लेखन ,वाक्य बनवणे , चित्रावरून माहिती लेखन , लिंक देऊन चाचणी सोडवणे ,गोष्टी पुस्तके वाचन ,शब्द डोंगर ,संख्या अंकी अक्षरी लेखन , बेरीज ,वजाबाकी ,गुणाकार ,भागाकार ,चढता उतरता क्रम ,शाब्दिक उदाहरणे ,आकृती काढणे ,चित्रे काढणे ,कागदकाम ,मातीकाम इंग्रजी बाराखडी पाठांतर व लेखन ,इंग्रजी शब्द बनवणे ,इंग्रजी शब्दांचे स्पेलिंग पाठांतर , सिड बॉल बनवणे , पाठांचे वाचन ,प्रश्नोत्तरे पाठांतर ,सणसमारंभ माहिती लेखन ,,,,असा अनेक प्रकारचा लर्निंग ,वर्क फ्रॉम होम दररोज दिला जातो .दररोज या अभ्यासाची विद्यार्थी वाट पाहतात .दिलेला अभ्यास ,स्वाध्याय दिवसभरात आनंदाने पूर्ण करतात व लगेच पालकांना व्हाट्सअप ग्रुपवर टाकण्यास सांगतात . पालक व विद्यार्थी यांचा लर्निंग वर्क फ्रॉम होम साठी उत्कृष्ट प्रतिसाद मिळत असून विद्यार्थी नियमित अभ्यास करत आहे असे दिसून आले आहे .आम्ही हा पालकांच्या व्हाट्सअप ग्रुपवरील अभ्यास तपासून त्यांचे अभिनंदन करतो तसेच काही सूचना करतो .विद्यार्थ्यांना खूप आनंद होतो .
तसेच विद्यार्थ्यांच्या संपर्कात राहिल्यामुळे कोरोना विषाणूबाबत कोणती दक्षता घेतली पाहिजे याबाबत पालक शिक्षक व्हाट्सअप ग्रुपमधून आम्ही वेळोवेळी विद्यार्थ्यांमध्ये जनजागृती केली आहे .विद्यार्थी व पालक कोरोना विषाणूचा प्रादुर्भाव रोखण्यासाठी योग्य ती दक्षता घेत आहेत .सोशल मिडीयाचा सदुपयोग कसा करावा हे विद्यार्थ्यांना या लर्निंग ,वर्क फ्रॉम होम उपक्रमातून समजले आहे .पालकही विद्यार्थ्यांच्या वर्क फ्रॉम होम अभ्यासामध्ये आनंदाने सहभागी होत आहे याबद्दल मनस्वी समाधान होत आहे .पालकांनी वर्क फ्रॉम होम या उपक्रमाबद्दल खूप समाधान व्यक्त केले आहे .तसेच जून २०२० पासून नवीन शैक्षणिक वर्ष सुरू झाले .
पाथर्डी तालुक्याचे सध्याचे गटशिक्षणाधिकारी अभयकुमार वाव्हळ व तालुक्यातील सर्व केंद्रप्रमुख यांच्या मार्गदर्शनाखाली सर्व वर्गाचा अभ्यास लर्निंग फ्रॉम होम नियोजनानुसार चालू आहे.
आज अशा लॉक डाऊन च्या परिस्थितीत शाळांना सुट्टी असल्यामुळे हा लर्निंग, वर्क फ्रॉम हा उपक्रम आपल्या या लेकरांच्या जीवन शिक्षणासाठी मार्गदर्शक ,पूरक व उपयुक्त आहे .
लेखक
तुकाराम अडसूळ
मुख्याध्यापक
जिल्हा परिषद प्राथमिक शाळा गितेवाडी ता.पाथर्डी जि. अहमदनगर
मो ७५८८१६८९४८
टिप्पण्या
टिप्पणी पोस्ट करा