उन्हाळ्यात पक्षांना पाणी पिण्यासाठी मातीची भांडी वाटप उपक्रम
अहमदनगर- उन्हाळ्यात पक्षांना पिण्यासाठी पाणी मिळावे म्हणून निसर्ग व सामाजिक पर्यावरण प्रदूषण निवारण मंडळाचे राज्याचे अध्यक्ष प्रमोद मोरे ,अहमदनगर जिल्ह्याचे अध्यक्ष तुकाराम अडसूळ सर , कार्याध्यक्षा छायाताई राजपूत ,अनिल लोखंडे ,पोपट पवार यांनी अहमदनगर येथील अनेक नागरिकांना नुकतीच मातीची भांडी वाटप केली आहे. या भांडी वाटप कार्यक्रमास भारतीय जनता पार्टीचे जिल्हाध्यक्ष नगरसेवक महेंद्र (भैय्या) गंधे ,सामाजिक वनीकरण विभागाचे विभागीय वनाधिकारी सचिन कंद ,महाराष्ट्र प्रदूषण नियंत्रण मंडळाचे अहमदनगरचे उपप्रादेशिक अधिकारी चंद्रकांत शिंदे , अहमदनगरच्या हास्य क्लबच्या अध्यक्षा छायाताई बंडगर यांसह विविध क्षेत्रातील अनेक मान्यवर यावेळी उपस्थित होते.आपल्याला व इतर सर्व सजीवांना आरोग्यसंपन्न जीवन जगण्यासाठी पर्यावरणाचे संवर्धन व संरक्षण करणे गरजेचे आहे.पर्यावरण संवर्धनात पक्षी अतिशय महत्वाचे कार्य करतात.उन्हाळ्यात पक्षांसाठी चारा पाणी मिळणे अवघड होते म्हणून दरवर्षी संपूर्ण राज्यात पक्षांसाठी घोटभर पाणी मुठभर धान्य हे अभियान राबविले जाते,त्यामुळे पक्षी संवर्धन होत आहे, तसेच जिल्ह्यात पर्यावरण संवर्धनासाठी विविध उपक्रम वेळोवेळी राबविले जातात .पर्यावरण संवर्धन ही आपली सर्वांची जबाबदारी आहे.सर्व सजीवांना चांगले जीवन जगता यावे म्हणून प्रमोद मोरे ,तुकाराम अडसूळ ,छायाताई रजपूत ,अनिल लोखंडे ,पोपट पवार आणि त्यांच्या पर्यावरण मंडळातील सर्व सदस्य राज्यात पर्यावरण संवर्धनासाठी उत्कृष्ट कार्य करीत आहे असे यावेळी प्रमुख पाहुणे म्हणून बोलताना भारतीय जनता पार्टीचे अध्यक्ष महेंद्र (भैय्या) गंधे यांनी सांगितले. आपले सर्वांचे आरोग्य चांगले राहावे म्हणून प्रमोद मोरे ,तुकाराम अडसूळ ,छायाताई राजपूत ,अनिल लोखंडे ,पोपट पवार आणि त्यांच्या पर्यावरण मंडळातील सर्व सदस्य राबवित असलेले विविध उपक्रम हे समाजाला व सर्व सजीवांना उपयुक्त आहेत असे यावेळी महाराष्ट्र प्रदूषण नियंत्रण मंडळ अहमदनगरचे उपप्रादेशिक अधिकारी चंद्रकांत शिंदे यांनी सांगितले.पक्षी संवर्धनासाठी हा उपक्रम अतिशय स्तुत्य उपक्रम असल्याचे यावेळी सामाजिक वनीकरण विभागाचे विभागीय वनाधिकारी संचिन कंद यांनी सांगितले. यावेळी अहमदनगर शहरातील नागरिकांना पर्यावरण संवर्धन ,प्रदूषण निवारण ,पक्षी संवर्धन याबाबत प्रमोद मोरे ,तुकाराम अडसूळ ,छायाताई राजपूत ,अनिल लोखंडे , पोपट पवार यांनी सविस्तर मार्गदर्शन करून त्यांच्यामध्ये जनजागृती करून पक्षांसाठी मातीची भांडी वाटप केली. मंडळाच्या .या कार्यक्रमासाठी वैभव मोरे ,वनश्री मोरे ,शर्मिला कदम ,शांता ठुबे ,पत्रकार आण्णासाहेब साबळे ,अशोक भोसले , मीनाक्षी जाधव ,स्वाती अहिरे ,उत्तम पवार ,अर्जुन खंडागळे यांचेसह अनेक मान्यवर उपस्थित होते.या उपक्रमासाठी निसर्ग व सामाजिक पर्यावरण प्रदूषण निवारण मंडळाचे राज्याचे अध्यक्ष प्रमोद मोरे , पर्यावरण मंडळाचे अहमदनगर जिल्ह्याचे अध्यक्ष तुकाराम अडसूळ सर ,पर्यावरण मंडळाचे छायाताई रजपूत ,अनिल लोखंडे ,पोपट पवार ,प्रकाश केदारी यांनी परिश्रम घेतले.या सामाजिक उपक्रमाबद्दल समाजातील अनेकांनी अभिनंदन केले आहे.
टिप्पण्या
टिप्पणी पोस्ट करा