ग्लोबल नगरीचे अविनाश दादा मेहेत्रे यांची गिते ाडी शाळेस भेट व ग्रंथायास पुस्तके भेट.

अहमदनगर जिल्हा परिषद आणि अहमदनगर जिल्ह्यातील ४७ देशातील भूमिपुत्रांनी स्थापन केलेले ग्लोबल नगरी फाऊंडेशन अमेरिका यांच्या संयुक्त विद्यमाने अहमदनगर जिल्ह्यातील काही शाळा निवडून विद्यार्थ्यांच्या सर्वांगीण विकासासाठी शिक्षकांना वेळोवेळी उत्कृष्ट मार्गदर्शन केले जाते.यामध्ये आमच्या  जिल्हा परिषद प्राथमिक शाळा गितेवाडी शाळेचा समावेश आहे.अमेरिकेत स्थायिक झालेले  ग्लोबल नगरीचे अविनाश दादा मेहेत्रे यांनी अमेरिकेतून येवून आज आमच्या शाळेला भेट दिली.आमच्या शाळेत कोरोनाकाळात  ग्रंथालय विद्यार्थ्यांच्या दारी हा उपक्रम राबविला. या उपक्रमातून प्रत्येक विद्यार्थ्याने वर्षभरात किमान ३० पुस्तकांचे वाचन केले. या उपक्रमामुळे आमच्या शाळेला  आतापर्यंत लोकसहभागातून अनेक पुस्तके मिळाली.आज अमेरिकेतील अविनाश दादा मेहेत्रे यांनी लोकसहभाग म्हणून विद्यार्थ्याना वाचनासाठी शाळेच्या ग्रंथालयास विद्यार्थ्यांच्या आवडीची पाच हजार रुपयांची पुस्तके दिली. यावेळी आमच्या शाळेतील अनेक विद्यार्थ्यांना  विविध ऑनलाईन स्पर्धेत जिल्हा ,राज्य ,राष्ट्रीय पातळीवर प्रमाणपत्रे मिळाली आहेत ,या विद्यार्थ्याना ही प्रमाणपत्रे देवून सन्मानित करण्यात आले.तसेच आमच्या शाळेची विद्यार्थिनी श्रुती पोटे ही आनंद विद्यालय चिचोंडी मध्ये पाचवीच्या शिष्यवृत्ती परीक्षेत विद्यालयात पहिली आली होती .तिचाही सन्मान करण्यात आला. तसेच शाळेत विद्यार्थ्याना ,शिक्षकांना ,ग्रामस्थांना अमेरिकेतील शिक्षण पद्धतीबाबत अनमोल मार्गदर्शन केले.त्यांच्या शुभहस्ते शाळेत वृक्षारोपण करण्यात आले. यावेळी गावातील सरपंच ,उपसरपंच ,शाळा व्यवस्थापन समितीचे अध्यक्ष व सदस्य उपस्थित होते.  आमच्या शाळेच्या  उपक्रमात ग्रामस्थांना नेहमी सहभागी केले जाते.अविनाश दादा यांना ग्रामस्थांनी  शाळेतील विविध उपक्रमांची माहिती दिली. त्यांनी शाळेतील विविध उपक्रमांचे अभिनंदन केले.अमेरिकेतील  अविनाश दादा ,ग्लोबल नगरी परिवार आणि जिल्हा परिषद अहमदनगर आणि सर्व शिक्षक बंधू भगिनी  ,सर्व अधिकारी यांना आमच्या शाळेच्या वतीने खूप खूप धन्यवाद. 🙏🙏🙏🙏🙏